Narrative-Farting woman

Object Details

Subject LanguageKa’apor
Language PID(s)ailla:283450
Title [Indigenous]Yman amõ ta’ynuhu ke rehe a’i pynũ ixo, ame’ẽ rehe har.
Language of Indigenous Titleurb
TitleNarrative-Farting woman
Language CommunityTerra Indígena Alto Turiaçu
Country(ies)Brazil
Place Created
Date Created2014-06-15
Description [Indigenous]Yman a'i ambyr amõ ta'ynuhu ke rehe pynu, pe tawa a'e ixo. Xupe koty a'e jyngo xape kwa rupi. Ame’ẽ rehe har.

Yman amõ ke je. Ta'ynuhu ukwer ou, pytun rahã pamẽ katute ame'ẽ a'i pynũ ehe. Pe, pytun oho tĩ, pe pynũ ehe tĩ. Ta’ynuhu ukwer ou tĩ, pe, a'i ihai ke pirok hũ ehe tĩ. Pe i'ar ngi pynũ hũ ehe tĩ. Pynũpynũ ehe tĩ, pe oho ngi tĩ.
Ta’ynuhu ke tawa te’e oho ixo. Pe, imũ parahy ahy ‘y.
-“Ma'e wã pe nde erexo tĩ, nde erejyty’ym te nde ai ke! Nde tawa te nde ai ke, nde jyty’ym te nde ai ke”.
Pandu ‘ym ta’ynuhu.
Pe, pytun oho tĩ. Pe, pytun pyter pe, a'i ihon ixo tĩ ta’ynuhu koty. Pe, ihái ke musyryk tĩ. Pe, ta’ynuhu ukwer katu te ou. PŨŨŨ! jãpũi rehe katu te pynũ tĩ. Pe, wera uwyr tĩ, pe imũ pandu ipe:
-“Myja nde rexoha tĩ? Epandu ihẽ pe rahã!”
Pe, imũ pandu:
-“Se a'i ihẽ ke rehe pynũ ixo tĩ. Pytun rahã pamẽ katu te ihẽ ke rehe pynũ ixo. A’erehe ihẽ ke ihẽ tawa tái.”
Pe, imũ u'y ra’yr mujã ipe. U'y sepetu yrapar ra’yr:
-“Kome'ẽ pe ejyngõ kỹ” aja ipe.
Pe, ta'ynuhu ukwer ou tĩ, pytun rahã. A'i ai tur tĩ. Ihái ke pirok hũ tĩ.
xarape ai ke pirar katu te tĩ. Pe, ta’ynuhu u'y ke hykýi katu te ou. SÕÕÕ xarape kwar rupi katu te jyngõ indo. A'i ai ahem katu te oho u’am!
A'i ai pynũ ‘ym te ehe ‘y.
Amõ wera rahã. Pe pytun oho tĩ. A'i jywyr ‘ym oho, pytun rahã.
U'y pi'a kwar rupi upen oho u'am. Amõ wera rahã, a'i ke ima'e ahy.
Peme'ẽ ta'ynuhu ukwa:
-“Peme'ẽ a'i ihẽ rehe pynũ ixo, pytun rahã”
Pe, a'i ke manõ ‘y. Pe, ame'ẽ ta'ynuhu tuxa pe pandu oho:
-“Ihẽ ame'ẽ a'i ke ajukwa”, ta’ynuhu pandu tuxa pe
Pe, tuxa pandu ipe:
-“Kawĩ ja’u rahã, ta'yn ta jahupir rahã, epandu hetaha ta pe kỹ. Apo kapy pe te'e eju rĩ.” Pe, ta’ynuhu kapy pe túi ‘y.
Akaju rykwer ngã u'u 'y, ta’ynuhu uhem oho 'y; kapy ngi uhem oho. Kujã ta ke upa ngã mupinim. Arahã, ta’ynuhu uhem oho. Upa tymã ke mu’i
huwy ke upa muhem. Upa muhem rahã, upa a’i ruwy ke ta’ynuhu muhem.
a'i ruwy ahyha ke upa muhem. Pe, katu. Soroka rupi wata katu ixo tĩ.
Language of Indigenous Descriptionurb
Description
GenresMyth
Source Note
ReferencesGODOY, Gustavo; Ka'apor, Wyrapitang pinin. 2017. Chapter 13: Ka'apor. In: STENZEL, Kristine; FRANCHETTO, Bruna. On this and other worlds: voices from Amazonia. Berlin: Language science press. https://langsci-press.org/catalog/book/167
Contributor(s) Individual / Rolede Godoy e Silva, Gustavo (Researcher)
Ka'apor, Wirapitang Pinin (Speaker, Translator, Transcriber)
Contributor(s) Corporate / Role

Media Files

There are 2 objects in this resource
ObjectFile TypesAccess Level
fart_20140615_jk.wavaudio/x-wav1
godoy_2017_pynu.pdfapplication/pdf1

Details